ფონდი “სიცოცხლის ხე” ახორციელებს პროექტებს საქართველოში განათლების, ეკოლოგიის, ჯანმრთელობისა და სოციალური კეთილდღეობის ხელშეწყობისთვისა და განვითარებისთვის. პრიორიტეტული მიმართულებებია:
– გარემოს დაცვა და განვითარება
– განათლების ხელშეწყობა
– მოწყვლადი ჯგუფების მხარდაჭერა
– სამედიცინო სერვისების ხელმისაწვდომობა
– საქველმოქმედო აქტივობების და ღონისძიებების დაფინანსება
ფონდი “სიცოცხლის ხე” თავდაპირველად 2008 წლის ომის შედეგად დაზარალებულთა დასახმარებლად შეიქმნა. მისი თავდაპირველი დასახელებაც „კონფლიქტების შედეგად დაზარალებულთა დახმარების ფონდი“ იყო.
ფონდის მხარდაჭერით, კონფლიქტის ზონაში აღდგა საგანმანათლებლო დაწესებულებები, განხორციელდა სარეაბილიტაციო პროექტები, გაიხსნა ოჯახური ტიპის ბავშვთა სახლი და განხორციელდა სამუშაოები დამწვარი ტყეების აღსადგენად.
2009 წლის დეკემბერში, ფონდს „საქართველოს ბანკის მომავლის ფონდი“ დაერქვა. ხოლო, 2010 წელს, მიენიჭა საქველმოქმედო ორგანიზაციის სტატუსი.
ფონდს „სიცოცხლის ხე“ 2014 წლიდან ჰქვია და ამ დროიდან, აგრძელებს სოციალური საკითხების აქტიურ მხარდაჭერას
“სიცოცხლის ხის“ მისია საქართველოში განათლების, ეკოლოგიის, ჯანმრთელობისა და სოციალური კეთილდღეობის ხელშეწყობაა.
ფონდი გამჭვირვალობისა და პასუხისმგებლობის პრინციპებზე დაყრდნობით, ქმნის შესაძლებლობებს ხარისხიანი განათლების მისაღებად, ხელს უწყობს ინოვაციურ და ინკლუზიურ საგანმანათლებლო პროექტებს, ეკოლოგიურ ინიციატივებს და მხარს უჭერს სამედიცინო სერვისების ხელმისაწვდომობას
ფონდი მხარს უჭერს სხვადასხვა საგანმანათლებლო, ეკოლოგიურ და სოციალურ პროექტებს
განათლების მიმართულებით ფონდი „სიცოცხლის ხე“ რამდენიმე პროგრამას ახორციელებს. დაფინანსება ძირითადად სტუდენტებისათვის გამოიყოფა, რომლებიც საქართველოში, ამერიკასა და ბრიტანეთში, მაგისტრატურის საფეხურზე გეგმავენ სწავლას
ფონდი „სიცოცხლის ხე“ პერიოდულად აცხადებს საგრანტო კონკურსებს განსაკუთრებული საჭიროებების მქონე პირების საკითხებზე მომუშავე ორგანიზაციების, საინიციატივო ჯგუფების, სამეზობლოებისა და სოციალური საწარმოების დასაფინანსებლად. გრანტის სახით გამოყოფილი თანხები ინფრასტრუქტურულ, საგანმანათლებლო და ინტეგრაციაზე მიმართულ პროექტებს ხმარდება.
„სიცოცხლის ხის“ ერთ-ერთ ძირითად პრიორიტეტს გარემოს დაცვა და განვითარება წარმოადგენს. ამ მიზნით, ფონდმა ბორჯომ-ხარაგაულის ეროვნული პარკისა და სხვა დაცული ტერიტორიების მხარდასაჭერად დაფინანსება გამოყო და სხვადასხვა გარემოსდაცვითი პროექტები განახორციელა.ს